اورفيلام فى كل بيت
ربسم الله الرحمن الرحيم


خريطة سهلة توضح أسباب ظهور البثور على البشرة

استعرض الموضوع السابق استعرض الموضوع التالي اذهب الى الأسفل

خريطة سهلة توضح أسباب ظهور البثور على البشرة

مُساهمة  سهير احمد في الجمعة مايو 24, 2013 6:21 pm

بشرة أو الجلد عموما هو خط الدفاع الأول عن الجسم ضد الإصابة بالأمراض
والعدوى، علشان كده بشرتنا هي اللي بتوضح لنا إذا كانت صحتنا كويسة أو إذا
كنا بنعاني من بعض المشكلات اللي لازم ناخد بالنا منها ونعالجها..





البثور تعتبر من ضمن العلامات
اللي بشرتنا بتحاول تقول لنا بيها إن فيه مشكلة عضوية لازم نعالجها، علشان
كده النهارده جبنا لكم خريطة من الطب الصيني بتوضح علاقة الأماكن اللي
بتظهر فيها البثور على الوجه بمشكلات معينة في أعضاء الجسم زي القولون
والمعدة والكبد، وهتلاقيها كالتالي..
لو البثور بتظهر على الجبهة (1و2):
يبقى
فيه مشكلة في الجهاز الهضمي، وعلشان تعالجيها يبقى لازم تقللي من الأكلات
السريعة والدسمة، وتكتري من شرب الميه وتناول الخضراوات والفاكهة اللي
بتقدم لبشرتك الترطيب اللي بتحتاج له، زي الخيار.

لو البثور بتظهر بين الحاجبين (3):
تبقى
المشكلة في الكبد، وعلشان تعالجيها حاولي تقللي من الألبان والأكلات اللي
فيها دهون، كمان المنطقة اللي بين الحاجبين دي هي أول مكان بتظهر فيه
الحبوب لو أكلتي حاجة بتسبب لك الحساسية، علشان كده لازم تاخدي بالك جدا من
مكونات أكلك.
حاولي كمان تعملي تمارين رياضية خفيفة لمدة 30 دقيقة يوميا ونامي كويس علشان الكبد يرتاح.

لو البثور بتظهر على جانبي العين (4 و5):
أي
حاجة بتظهر حوالين العين سواء كانت بثور أو هالات سوداء بيكون سببها
الرئيسي هو جفاف الجسم وإرهاق الكليتين، علشان كده لو البثور بتظهر عندك في
المنطقة دي باستمرار يبقى لازم تزوّدي من كمية الميه اللي بتشربيها
يوميا.

لو البثور بتظهر على طرف الأنف (6):
في
الحالة دي يبقى المشكلة في القلب، جربي تقيسي ضغط الدم عندك لأنه محتمل
يكون عالي شوية، كمان لازم تعملي تحليل علشان تعرفي مستوى فيتامين B في
جسمك، وعلشان تعالجي المشكلة دي حاولي تقللي من تناول الأكل الحرّاق
واللحوم وحاولي تخرجي في أماكن مفتوحة علشان تستنشقي الهواء الطلق.

منطقة
الأنف مليانة بالمسام الواسعة، علشان كده ممكن يبقى سبب ظهور البثور في
المنطقة دي هو إنك بتستخدمي أدوات ماكياج رديئة أو مدة صلاحيتها انتهت، أو
بتتسبب في انسداد مسام البشرة، وبالتالي البثور بتتكون.

لو البثور بتظهر على طرف الأذن (7وCool:
في
الحالة دي برضه محتمل تكون المشكلة بسبب جفاف الجسم اللي بيتسبب في إرهاق
الكليتين، يبقى لازم تزوّدي كمية الميه اللي بتشربيها وتقللي من تناول
المشروبات الغازية والقهوة لأنهم بيزوّدوا الجفاف.

لو البثور بتظهر على الخدين (9 و10):
يبقى
فيه مشكلة في الجهاز التنفسي، سببها التدخين أو الحساسية لمواد معينة،
ولو كنتي مش بتدخّني أو مش بتعاني من أي حساسية، يبقى لازم تاخدي بالك إنك
درجة حرارة جسمك ماتزيدش عن الحدود الطبيعية، تناولي أكلات مبرّدة للجسم
زي الخيار، وحاولي تقللي من كمية السكر واخرجي دايما في أماكن مفتوحة.

حاولي
كمان تخلّي وسَط جسمك قلوي، بإنك تاكلي خضراوات طازة كتير، وتقللي من
الأكلات الحمضية زي اللحوم الحمراء ومنتجات الألبان والسكر والكافيين.

فيه
سبب كمان مهم جدا لظهور الحبوب في الخدين، وهي لمس الأسطح اللي مش نظيفة
زي الموبيل أو أكياس المخدات أو فرش الماكياج، علشان كده حاولي دايما
تطهّري وتنظفّي أي حاجة بتلمس بشرتك، وتستخدمي غسول منظف مناسب لبشرتك.

لو البثور بتظهر حول الشفايف (11 و12):
البثور
في المنطقة دي بتكون دليل على التوتر العصبي واضطراب الهرمونات، وفي
أثناء التبويض، ودول أكتر حالات مش بنقدر نتحكم في إننا نتجنبهم، لكن لو
عايزة تقللي من آثارهم لازم تحصلي على قدر كافي من النوم وشرب ميه كتير
وتناول الخضراوات الورقية والحفاظ على نظافة البشرة.

لو البثور بتظهر على الذقن (13):
المشكلة
هنا بتكون من المعدة، حاولي تاكلي حاجات فيها ألياف كتير زي التفاح
والعدس، وتشربي حاجات دافية زي الينسون والنعناع، علشان تساعد في عملية
الهضم.

لو البثور بتظهر على الرقبة ومنطقة الصدر (14):
ظهور
البثور في الأماكن دي من الجسم بيشير إلى احتمال إن جسمك بيقاوم بكتيريا
معينة علشان يحمي جسمك من الأمراض، حاولي تدي لجسمك فترات راحة بإنك تنامي
كويس أو تمارسي تمارين يوجا أو تتنفسي بعمق وهدوء، واشربي ميه كتير.

سهير احمد
Admin

عدد المساهمات : 840
تاريخ التسجيل : 24/07/2012
العمر : 35

http://oriflamehome.nicetheme.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى