اورفيلام فى كل بيت
ربسم الله الرحمن الرحيم


تورتة فاكهه وشوكولاته بالتفصيل من الالف للياء ^

اذهب الى الأسفل

تورتة فاكهه وشوكولاته بالتفصيل من الالف للياء ^

مُساهمة  سهير احمد في الخميس ديسمبر 20, 2012 12:52 pm

السلام عليكم ورحمة الله وبركاته
صلوا على الحبيب المصطفى
يارب احفظ مصر والمصريين سالميين امنيين يارب العالمين
الكيكة الاسفنجية وتزيينها بالتفصيل
النهارده دى تورتتنا

اولا الكيكة
انا بفضل استخدام دقيق الاسبونش الجاهز لانه اسهل بكتير
لكن النهارده هنعمل الكيكة الاسفنجية العادية
المقادير لصينية 26

المعيار مج الشاى العادى
2 دقيق نشيل منهم معلقتين ونستبدلهم بنشا منخولين مع معلقة كبيرة بكنج بودر
1 ونص سكر ناعم
نص مية
8 بيض
معلقة كبيرة محسن كيك جل
معلقة صغيرة فانيليا
ربع م صغيرة ملح
معلقة كبيرة خل
**المكونات بدرجة حرارة الغرفه **ضرورى

الطريقة
اول حاجة نسخن الفرن على اعلى درجة
نبطن الصينية

نفصل الصفار عن البياض

*لازم طبق البياض يكون ناشف تماما ونضيف *
المضرب كذلك
نبتدى بالبياض نضيف علية الملح والخل ونضرب كده

اول ما يكون زى الرغاوى كده نضيف نص كمية السكر معلقة معلقة مع الخفق بالمضرب

هيعلى ويتماسك خالص يبقى كده

نبعده على جنب ونروح للصفار
نحط علية السكر والمحسن ونضرب فورا بالمضرب عادى مكان البياض مفيش مشكلة لكن العكس لا
نضرب الصفار لحد اما يبقى فاتح ومنفوش كده

نبتدى نضيف الدقيق على الصفار على مرتين بالتبادل مع المية نبتدى بالدقيق وننتهى بية
كده




خلصنا كل الدقيق على الصفار نبتدى نضيف البياض بالمعلقة شوية شوية ونقلب من فوق لتحت براحة خالص
هنضيف البياض على 3 مرات كده




بعد ما نخلص كل الكمية ونتاكد انها امتزجت كويس جدا
نحطها فى الصينية وندخلها الفرن على 180 اخدت معايا يالضبط 45 دقيقة

نطلعها ونسيبها ربع ساعة بعد كده نقلبها على منخل ونقسمها 3 اقسام

يتبع التزيين

نكمل حبيباتى
التزيين
هنحتاج ربع كيلو كريمة شانتى خام نضربة بربع كيلو مية متلجة يعنى فيها قطع تلج و5 معالق كبار سكر
صوص شوكولاته او جناش انا استعملت 50 جرام شوكولاته خام حطيتهم مع 2 معلقة كبيرة قشطة اللى هية وش اللبن 4 معالق لبن وعلى النار سيحتهم وبفضل الله ادانى نفس نتيجة الجناش
100 جرام اى نوع مكسرات محمصة مفرومة انا استعملت بندق
فاكهه اى نوع استعملت فراوله كيوى وتفاح
جيلى تلميع بنشترية من محل مستلزمات الجلوانى استعملت حوالى 50 جرام
ممكن نستبله بالجيلاتين ندوب 2 م ك فى ربع كوب ميى مغلية
سيرب خفيف نسقى بية الكيكة ممكن سفن اب او عصير تفاح او مية الكمبوت

نبتدى نحط كل طبقة من طبقات الكيك ونسقيها خفيف ونحط طبقة كريمة




0
نغلفها كويس بالكريمة


نغلف الجناب بالمكسرات المفرومة

بكيس الحلوانى نبروز الوش كده

نقسمها بخط كده معلش طلع معووج شوية
نبتدى نرص الفاكهه








بعد كده نسخن جيلى التلميع ده شكله قيل التسخين وبعد


فورا وهو سخن نحطة على الفاكهه ونغطيها بية كويس
نصب الجناش او صوص الشوكولاته فى النص التانى كده

وكده خلصت
الشكل النهائى






الورده دى لمسة بنوتى حطتها وانا بقطع التورتة

000000

سهير احمد
Admin

عدد المساهمات : 840
تاريخ التسجيل : 24/07/2012
العمر : 36

http://oriflamehome.nicetheme.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى