اورفيلام فى كل بيت
ربسم الله الرحمن الرحيم


الكبسة الإماراتي

استعرض الموضوع السابق استعرض الموضوع التالي اذهب الى الأسفل

الكبسة الإماراتي

مُساهمة  سهير احمد في السبت ديسمبر 08, 2012 7:25 am

الكبسة الإماراتي
وده شكلها النهائي وقت التقديم






المقادير :-
لحمة ويفضل بعظم علشان تدي نكهة جميلة للشوربة الي حنعمل بيها الرز







بهارات سلق اللحمة هي (لمون ناشف - حب هان مطحون - بصلة - بهارات سلق اللحمة وحتلاقيها متوفرة في اي سوبرماكت او كارفور)







ده شكل بهارات سلق اللحمة مجموعة من حوالي 8 إلى 10 نوع بهار مدقوقين خشن زي كدة .







2 علبة حمص
3/4 كوباية زبيب






عدد 3 طماطم متقطعة جوانح
عدد 1 بصلة كبيرة مقطعة جوانح







معلقتين سمنة يا بختكم في مصر عندكم السمنة البلديللأسف الي ماما جيبها خلصت ما علينا ^_^ حستخدم نصها للحشو والنص التاني في الرز






دي بهارات الحشو عبارة عن فلفل أسمر - حبهان - كمون - كركم - كزبرة - قرفة - قرنفل - لمون ناشف






وللزر اسخدمت 4 كوبايات رز بسمتي - وربع كوباية ماية ورز منقوع فيها زعفران







يفضل نقع الزعفران قبل ما تبدأت
تشتغلي ولو مش متوفر عندك ممكن تستخدمي لون الطعام الاحمر مافيش مشاكل لكن
الزعفران بيكمل النكهة بطريقة رهيبة .



الطريقة:-

نبدأ نسلق اللحمة ويفضل تكون اللحمة مدهنة شوية علشان
تدينا نكهة جميلة للشوربة فيما بعد استعداد لعمل الرز. وبعد ما تغلي نشيل
الريم ونضيف البهارات الي عندنا الي هيا بهارات سلق اللحمة واللمون الناشف
والبصلة والهيل الناعم .








وده شكلها بعد ما استوت خالص وبقت طرية وجميلة





طريقة الحشو:-
حنسخن الحمص المعلب في ماية بتغلي علشان عيزينة سخن نخلي يغلي مدة 7دقايق لانو اصلا مستوي





وكمان الزبيب نحطة في ماية بتغلي مدة عشر دقايق





لتحضير حشوة الكبسة الاماراتي حنحط معلقة كبيرة سمنة وزيها زيت في صينية او حلة واسعة زي كدة





وأول ما تسخن نروح حطين عليها البصل الجوانح ونقلبة لحد ما يدبل





وننزل عليه بالطماطم الجوانح ولازم تكون النار عالية علشان مش عيزين الطماطم تنزل مايتها كتير





حنطلع اللحمة من الشوربة بتاعتها ولازم تكون سخنة لاحظي البخار.






وحنصفي الحمص هو الزبيب ونحطه على خليط الطماطم والبصل وعلى نار عالية حنفضل نقلب لحد ما يندمجو وحيبقى شكلهم كدة.





وحنضيف البهارات الخاصة بالحشو زي ما قلناها في المقادير ونقلب برضو على نار عالية وحيبقى شكلها كدة من أثر الكركم الاصفر






نضيف اللحمة السخنة الي لسه مصفيناها من الشوربة على الحشو ونقلب كويس على نار عالية





والزعفران المنقوع في ماية ورد نضيف نصة على الحشو علشان
يدينا نكهة الحشو الاماراتي الجميل وممكن نحط لون طعام احمر لو مش متوفر
الزعفران . ونخليه على النار شوية مع التقليب المستمر






وده شكله النهائي رائع والحمص والزبيب زي الزبدة بالظبط






هنا صور مقربة أكتر لشكل الحشو






طريقة رز الكبسة الإماراتي


انا عملت كيلو لحمة على 4 كوبايات
رز بسمتي . والرز البسمتي الي عندي بحط له لكل كوباية رز كوباية و 3/4 ماية
يعني احتجت 7 كوبايات ماية . استخدمت من شوبة اللحمة 3كوبايات فقط علشان
لونها غامق بسبب اللمون الناشف وال4كوباية الباقية كانت ماية عادية . لما
بنحب نعمل الكبسة الاماراتي بنجهز الحشوة ونغطيها بفويلة وبنجهز الماية
الخاصة بتسوية الرز بإضافة الكركم والسمنة ونظبط الملح ونسيبها على جنب
وقبل التقديم بنص ساعة بنعمل الرز علشان يبقى سخن.







بكون غاسلة الرز كويس وبنقعة في ماية فاترة مع شوية ملح لمدة نص ساعة وأصفي الشكل ده






نصفي الرز من ماية النقع وحتكون الماية الي جهزناها بتغلي ونحط الرز






ولازم النار تكون قوية جدا ونخليه يغلي من غير ما نغطي الحله






الكركم بيدينا اللون الجميل ده . ده شكل الرز قبل ما يستوي






ونخليه على نار قوية لحد ما يتشرب 3/4 الماية بتاعته






وحيعمل ثقوب كدة زي ما احنا عارفين






نقلبية تقليبة ونضيف باقي ماية الورد الي منقوع فيها الزعفران






وده شكله بعد اضافة الزعفران بيبقى
مستوي بنسبة 80% اغطية بورق فويل وأدخلة فرن سخن لمدة 20 دقيقة ودوقي بقى
أروع رز بالزعفران . دي طريقة ماما حبيبتي







وده شكله بعد ما استوى جميل ولذيذ






وهنا صوره من غير فلاش الكاميرا برضو أجمل وأجمل





التقديم
بنغرف الرز في طبق التقديم ونحط عليه الحشوة أسيبكم مع الشكل النهائي للكبسة الإماراتي ^_^




منقووووووووووووووووووووول

سهير احمد
Admin

عدد المساهمات : 840
تاريخ التسجيل : 24/07/2012
العمر : 35

http://oriflamehome.nicetheme.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى